وين راح احساس قلبك .. كيف اسم الله يهون !!



بعد ما سويت كيدك.. في الخفايا و الظلام..
صافح الشيطان بيدك.. واحتمل شرك وحرام..

ويش من ظلمي يفيدك.. فكر بيوم الزحام..
وإن هدى نومك أريدك.. تذكر اللي ما ينام..

نال ظلمك من ذاتي.. نال كل اللي تريد..
هد حلمي و أمنياتي.. و القريب أمسى بعيد..

بس لو دمر حياتي.. يبقى إيماني عتيد..
بسجودي و لصلاتي.. و الدّعا و دمع القيام..

وين راح احساس قلبك.. كيف اسم الله يهون..
خنت دينك خنت ربك.. لين متى ودك تخون..

للسخط مشاك دربك.. و الملائك يكتبون..
يكتبون أجري بدمك.. لين يوم "الاحتكام"

أقرب الآيات مني.. ترقي آلامي بنور..
نورها يا ما احتضني.. بالأمل وأزكى الشعور..

صابر و في حسن ظني.. بالرحيم أحيا صبور..
واحتسب عاللي ظلمني.. و التجي برب الأنام..